ਕੇਨਰਾ ਬੈਂਕ ਵੱਲੋਂ ਐਮਐਸਐਮਈ ਕਲੱਸਟਰ ਕੈਂਪ ਲਗਾਇਆ ਗਿਆ  

ਐਸਏਐਸ ਨਗਰ, 13 ਨਵੰਬਰ, 2024: 

 ਕੇਨਰਾ ਬੈਂਕ, ਖੇਤਰੀ ਦਫਤਰ ਚੰਡੀਗੜ੍ਹ ਨੇ ਡੀਐਫਐਸ, ਭਾਰਤ ਸਰਕਾਰ ਤੋਂ ਪ੍ਰਾਪਤ ਹਦਾਇਤਾਂ ਅਨੁਸਾਰ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ, ਸੈਕਟਰ 76, ਮੋਹਾਲੀ ਵਿਖੇ ਇੱਕ ਐਮਐਸਐਮਈ ਕਲੱਸਟਰ ਕੈਂਪ (ਹਾਈਟੈਕ ਮੈਟਲ ਕਲੱਸਟਰ ਮੀਟਿੰਗ) ਦਾ ਆਯੋਜਨ ਕੀਤਾ। ਮੀਟਿੰਗ ਵਿਚ ਐਮ ਕੇ ਭਾਰਦਵਾਜ, ਲੀਡ ਬੈਂਕ ਮੈਨੇਜਰ, ਵੇਦ ਪ੍ਰਕਾਸ਼, ਡਿਪਟੀ ਜਨਰਲ ਮੈਨੇਜਰ, ਸਰਕਲ ਦਫ਼ਤਰ ਚੰਡੀਗੜ੍ਹ ਅਤੇ ਬੀ ਰਵੀ, ਸਹਾਇਕ ਜਨਰਲ ਮੈਨੇਜਰ, ਖੇਤਰੀ ਦਫ਼ਤਰ ਚੰਡੀਗੜ੍ਹ ਸਮੇਤ ਵੱਖ-ਵੱਖ ਸ਼ਾਖਾਵਾਂ ਦੇ 40-50 ਪ੍ਰਤੀਯੋਗੀਆਂ ਨੇ ਸ਼ਿਰਕਤ ਕੀਤੀ। ਮੀਟਿੰਗ ਵਿੱਚ ਵੀਡੀਓ ਕਾਨਫਰੰਸਿੰਗ ਰਾਹੀਂ ਵਿੱਤ ਮੰਤਰੀ ਨਾਲ ਲਾਈਵ ਗੱਲਬਾਤ ਵੀ ਸ਼ਾਮਲ ਸੀ। ਐਮਐਸਐਮਈ ਕਰਜ਼ਦਾਰਾਂ ਨੂੰ ਵਿੱਤ ਮੰਤਰੀ ਦੁਆਰਾ ਵਰਚੁਅਲ ਤੌਰ ‘ਤੇ ਮਨਜ਼ੂਰੀ ਪੱਤਰ ਵੀ ਸੌਂਪੇ ਗਏ।